KUNINGAN (OKE)- Tina catatan Dinas Koperasi Perdagangan dan Perindustrian Kabupaten Kuningan tetela pasar nu mungggaran aya di wilayah Kuningan nyaeta Pasar Cihirup atawa pasar siluman.
Naha disebut pasar siluman? Kusabab mukana osok peting atawa Salasa malam rebo. Tina catatan, eta Pasar Cihirup teh dibangun ku Belanda tahun 1822.
Pasar nu legana 2.700 M2 teh miboga kios 22 jeng 21 los. Nyampe ka kiwari eta pasar masih aya keneh, kusabab sabaraha kali di renovasi ku pemerintah.
“Peo Pasarnamah Salasa malam Rebu, meski unggal poe ge sok buka. Naha bukana peting, baheula paragi hiburan warga karena marenehna berangna mah garawe,” ceuk Enda salah saurang parangkat desa.
Kuninganoke.com boga sumber lain ngenaan pasar munggaranan nu aya di wewengkon Kuningan. Ceuk Nding Masku salah saurang penggiat sajarah Kuningan, nyaritakeun yen mimiti ayana pasar dimimitian ti Luragung taun 1400-an.
Eta teh satutasna pasukan Laksamana Ceng Ho (Putri Ong Tin) lekasan perang jeung pasukan Ki Gedeng Luragung alatan salah paham.
“Harita dibeberesna ku Sunan Gunungjati (nu disebut babad peteng),” ceuk Nding, Senin (11/4/2022).
Nding netelaken, para prajurit Ceng Ho mulang atawa nuluykeun lalampahanana ka Semarang (Jateng). Sedengkeun prajurit nu maturan Putri Ong Tin cicing di Luragung.
Lantaran teu perang antukna prajurit Ong Tin nyieunlah industri rumah tangga nyaeta nyieun taopu atawa tahu.
Ti harita ceuk Inding, Luragung jadi pusat industri tahu nu engkena sumebar ka unggal daerah di Kuningan.
“Eta mun ditarik benang merah perjamanan,”pokna deui.
Tapi mun pasar nu leuwih kolot atawa tua ayana di Cidahu atawa baheula disebut Ciroke. Pasar Ciroke mangrupakeun pasar panggedena ti taun 325 M mangsa jaman karajaan Purwa Sanggarung. (dhn/rdk)
Posting Komentar untuk "Pasar Munggaran di Kuningan Lain Cihirup, Tapi Ciroke"